Almatyda "Shyn júrekten" atty qaıyrymdylyq kontserti ótti
ALMATY. 2 maýsym. QazAqparat /Názıra Eleýhan/ - Keshe Almatyda "Muz jáne jalyn" atty jobasymen álemge belgili reseılik mánerlep syrǵanaýshylardyń qatysýymen "Shyn júrekten" atty qaıyrymdylyq kontsert ótti. B.Sholaq atyndaǵy Sport saraıynda ótken atalmysh aktsııa Halyqaralyq balalardy qorǵaý kúnine arnaldy.
Sharanyń Almaty qalasy ákimdiginiń qoldaýymen jáne "Kaztýrboremont", "GAZPROM GERMANIA", "TAK GROP", "LPG distribution" jáne "Fitnation"kompanııalarynyń demeýshiligimen Múmkindigi shekteýli balalar men jasóspirimderge arnalǵan "Meıirim" ońaltý ortalyǵy uıymdastyrdy.
Merekelik shoýǵa 1700 "Meıirim" ońaltý ortalyǵynyń, "Almaty" sport kesheniniń jáne múmkindigi shekteýli jandarmen jumys isteıtin "Speshl Olımpıks" uıymynyń balalary arnaıy shaqyryldy. Balalar men qazaqstandyq kórermenderge tuńǵysh ret "Muz jáne jalyn" shoýy usynyldy.
Kontsertte Álem jáne Eýropa chempıony, "Muz jáne jalyn" atty jobasynyń prodıýsseri Ilıa Averbýhtyń jetekshiligimen Reseıdiń eń myqty degen mánerlep syrǵanaýshylary men óner juldyzdary óner kórsetti. Atap aıtqanda, olımpıada chempıondary Alekseı ıAgýdın, Tatıana Navka, Roman Kostomarov, Tatıana Totmıanına, Maksım Marının, Álem jáne Eýropa chempıonattarynyń júldegerleri Margarıta Drobıazko, Povılas Vanagas, Rýslan Goncharov, Álem jáne Eýropa chempıondary Marııa Petrova, Alekseı Tıhonov, eki dúrkin álem chempıony Maksım Stavıskıı, kásipqoılar arasynda Álem chempıondary Elena Leonova, Andreı Hvalko, Reseıdiń chempıony Evgenıı Kýznetsov, muz akrobatıkasynyń Álem chempıondary Vladımır Besedın, Alekseı Polışýk jáne óner juldyzdary Marat Basharov, Elızaveta Arzamasova, Alekseı Vorobev, Svetlana Svetıkova qatysty. Sharada sonymen qatar, qazaqstandyq tanymal aktrısa Lında Nyǵmatýlına da óner kórsetti.
"Biz ádeıi bul sharany Halyqaralyq balalardy qorǵaý kúnine arnap ótkizip otyrmyz. Aktsııany ótkizýdegi maqsatymyz - qoǵam nazaryn múmkindigi shekteýli jandardyń máselesine aýdartý, balalarǵa osyndaı kontsert ótkizý arqyly qýanysh syılap, kómek kórsetý bolyp tabylady, óıtkeni kontsertten túsken qarajat sal aýrýyna shaldyqqan balalardy emdeýge, qajetti qural-jabdyqtardy satyp alýǵa jumsalatyn bolady. Bul oraıda, qaıyrymdylyq sharaǵa demeýshilik kórsetken kompanııalarǵa jáne tegin óner kórsetýgi usynysyn bildirgen Ilıa Averbýhpen onyń ujymyna alǵysymdy bildiremin",-dedi Múmkindigi shekteýli balalar men jasóspirimderge arnalǵan "Meıirim" ońaltý ortalyǵynyń dırektory Lázzat Jakenova.
"Biz ózimizdiń jobamyz arqyly kóptegen qaıyrymdylyq aktsııalarǵa qatysyp turamyz, al Qazaqstandaǵy qaıyrymdylyq sharalarǵa bul tuńǵysh ret qatysýymyz. Bala bizdiń ómirimizdiń máni. Sondyqtan úlken qýanyshpen, shyn nıetpen olar úshin ónerimizdi kórsetýge usynysymyzdy berdik. Bizdiń ónerimiz balalarǵa qýanysh syılap, túsken qarajat arqyly emdelýlerine yqpal etip jatsa biz óte qýanyshty bolar edik",-dedi Ilıa Averbýh.
"Bizdiń kompanııa balalardyń máselesine qatysty jaǵdaılardan eshqashan tys qalmaıdy. Sondyqtan da, biz árqashan balalarǵa kómek kórsetip, damýyna, qoǵamnan óz ornyn alýyna kómektesýdemiz. Bala ár ata-ananyń kóz qýanyshy emes pe?! Eger úıde emdelmeıtin, ne keseldiń aýyr túrimen aýyratyn bala bolsa, ol ata-ana úshin, bala úshin de úlken qasiret. Sony túsine otyra kompanııa kómektesýdi uıǵaryp, bul qaıyrymdylaq aktsııaǵa beı-jaı qaraı almady",-dedi demeýshilerdiń biri, "Kaztýrboremont" kompanııasynyń bas dırektory Ashat Ýserov.
Qaıyrymdylyq kontsert óte joǵary degeıde ótti, zalda ıne shanshar jer bolǵan joq. Qazaqstandyq kórermender shoýdy ystyq yqylaspen qabyldady.
