Almatyda «Shymshyqty da, qaratorǵaıdy da úısiz qaldyrmaımyz» atty aktsııa ótti
ALMATY. Sáýirdiń 1-i. QazAqparat /Názıra Eleýhan/ - Búgin - halyqaralyq qus kúni. Almatyda osy ataýly kúnge oraı, qala oqýshylarynyń qatysýymen «Shymshyqty da, qaratorǵaıdy da úısiz qaldyrmaımyz» atty arnaıy aktsııa ótti. Olar Baým shaǵyn ormanyn qustardyń úıimen toltyrdy,
dep habarlaıdy QazAqparat.
Atalmysh shara Іle-Alataý memlekettik ulttyq tabıǵı parkiniń qoldaýymen, Almaty qalasynyń tabıǵı resýrstar jáne tabıǵatty qoldanýdy retteý basqarmasynyń jáne qalalyq jas natýralıster stansysynyń uıymdastyrýymen ótti.
"Aktsııanyń maqsaty - balalardy tabıǵatty qorǵaý jumysyna at salýǵa, sonymen qatar, tabıǵatqa jaqyn bolýǵa shaqyrý, sondaı-aq, tabıǵatty qorǵaýda olardyń boıyndaǵy jaýapkershilikti qalyptastyrý bolyp tabylady", dedi Tabıǵı resýrstar basqarmasy basshysynyń orynbasary Marat Kesikbaev. Onyń aıtýynsha, sharaǵa 100-deı mektep oqýshylary men barlyq aýdannyń muǵalimderi qatysqan. "Oqýshylar qustarǵa arnalǵan úılerdi óz qoldarymen jasady jáne bári bir kisideı ormanshylarǵa úılerin aǵashqa ilisýge kómektesti. Odan keıin olar shaǵyn ormannyń aýmaǵyn tazalaýǵa at salysty", dedi Marat Kesikbaev.
Baýma shaǵyn ormany - Almatydaǵy eń iri jasyl silem. Aýmaǵy- 140 gektar. Bul jerge 1892 jyly qalanyń kógaldandyrýyna úlken úles qosqan, tanymal ǵalym-ormanshy Edýarda Baýmnyń (1850-1921) bastamasymen aǵash egilgen bolatyn.
