Almatyda «Shymbulaq» taý kýrortynda taý shańǵysynan Azııa chempıonaty bastalady
/strong>Naýryzdyń 2-si. QazAqparat /Názıra Eleýhan/ - Almatyda «Shymbulaq» taý kýrortynda naýryz aıynyń 3-6-sy aralyǵynda jasóspirimder arasynda taý shańǵysynan Azııa chempıonaty ótedi,
dep habarlaıdy QazAqparat.
Chempıonatqa taý shańǵy sportynyń Azııa Federatsııasy quramyna enetin Azııa memleketteriniń sportshylary: Qazaqstan, Koreıa, Ózbekstan, Tájikstan, Qyrǵyzstan, Indııa, Pákistan, Qytaı, Japonııa, Iran, Taı-peı, Mońǵolııa, Lıvan, Gon-Kong, Nepal elderiniń shańǵyshylary qatysady. Olar naýryzdyń 1-inen Almatyǵa kelýde.
Shara«2011 jylǵy VII Qysqy Azııa oıyndarynyń uıymdastyrý komıtetiniń basqarmasy» AQ-y, QR taý shańǵy sport federatsııasy, Týrızm jáne sport mınıstrliginiń janyndaǵy sport komıteti, Qazaqstan Respýblıkasynyń ulttyq olımpıada komıteti, Almaty qalasynyń ákimdiginiń uıymdastyrýymen jáne Shańǵy sporty túrleriniń halyqaralyq federatsııasy, Azııanyń taý shańǵy sporty federatsııasy, Qazaqstan Respýblıkasynyń taý shańǵy sporty qaýymdastyǵy, «Shymbulaq» taý-shańǵy kýrortynyń qoldaýymen ótedi.
«Jarys Qazaqstan Respýblıkasynda 2011 jyly ótetin VII Qysqy Azııa oıyndarynyń qarsańynda daıyndyq retinde ótkiziledi. Negizgi maqsat - Azııa aımaǵynda taý-shańǵy sportyn damytý bolyp tabylady. Jarysta 1990-94 jyldary aralyǵynda týylǵan jasóspirimder baqtaryn synaıdy. Jarystar halyqaralyq taý shańǵy uıymy FIS bekitken erejelerge sáıkes ótedi. Halyqaralyq dárejede ótetin jarysqa jasóspirimder taý shańǵysyn tebýdiń, slalom gıgant (GS) , slalom (SL), sýper-gıgant (SG) túrleri boıynsha synǵa túsetin bolady», dedi Qazaqstan taý shańǵy sporty federatsııasynyń bas hatshysy Nadejda Bojko.
Chempıonattyń ashylý rásimi erteń, naýryzdyń 3-i kúni «Shymbulaq» taý kýrortynda ótedi.
