Almatyda «Shymbulaq» mamandary oqýshylarǵa tegin shańǵy tebý úıretedi
ALMATY. QazAqparat - Almatyda «Shymbulaq» mamandary oqýshylarǵa tegin shańǵy tebý úıretedi, dep habarlaıdy QazAqparat.
«Sporttyq Almaty» baǵdarlamasy aıasynda 10-12 jas aralyǵyndaǵy (5-7 synyp) 800 mektep oqýshysyna arnalǵan shańǵy tebý mektebine tegin oqýǵa qabyldaý bastaldy. ıAǵnı, kez-kelgen oqýshyǵa TShK «Shymbulaq» shańǵy jáne snoýbord mektebiniń kásibı mamandary tegin 4 sabaq beriledi.
Jalpy sabaq berý ýaqyty - 3 200 saǵat. Jumys kúnderi 2 aýysymnyń árqaısysyna 1 saǵattan bólinbek. 1-aýysym - saǵat 08:00-den, al 2-aýysym - saǵat 14:00-den bastalady.
Árbir qatysýshy úshin TShK «Shymbulaq» jáne qala ortasyna deıingi transfer, shańǵy tebýge arnalǵan kıim-jabdyq jáne densaýlyq saqtandyrý polısi tegin bolady.
Ata-analardan birqatar qujat (ata-ananyń jazbasha ruqsaty, týý týraly kýáliktiń skanerlengen kóshirmesi, meken-jaı anyqtamasy, ata-ana qujatynyń kóshirmesi, baılanys nómiri) talap etiledi, olardy shymbulak@inbox.ru elektrondy poshtaǵa jóneltý kerek.
Jınalatyn oryn - A. Baıtursynov kóshesi boıymen Q.Sátbaev kóshesinen tómen (Balýan Sholaq atyndaǵy sport saraıyna qarama-qarsy).
Tirkelý 2018 jylǵy 10 qarashaǵa deıin jalǵasady.
