Almatyda shyǵys pen batystyń fılosofııalyq dıskýrsy týraly halyqaralyq konferentsııa ótip jatyr
ALMATY. Qyrkúıektiń 21-i. QazAqparat /Erlik Erjanuly/ - Búgin Almatyda "Nurlan Seıtahmetovtyń shyǵarmashylyǵy: Shyǵys pen Batystyń fılosofııalyq dıskýrsy" degen taqyryppen halyqaralyq ǵylymı-teorııalyq konferentsııa ótip jatyr, dep habarlaıdy QazAqparat.
"Ǵylym ordasyndaǵy" bul shara Germanııadaǵy ıdealızmniń adamgershilik qaǵıdalaryn zertteı otyryp, sonyń negizinde jańa tulǵalyq fılosofııany qalyptastyrýǵa betburys jasaǵan belgili qazaq ǵalymyn eske túsirýge arnalyp otyr. Onda Reseı, Germanııa, Tájikstan, Ózbekstan men Túrkııadan ǵalymdar óz elderindegi tulǵalyq fılosofııanyń damýy týraly baıandama jasaýda.
"Qazir elmizde táýelsizdiktiń 20 jyldyǵyna daıyndyq júrip jatyr ǵoı. Onda táýelsizdikti qalyptasýyna, bekýine óziniń úlken úlesin qosqan tulǵalardyń esimi ulyqtalyp, eńbekterin nasıhattaý kózdelip otyr. Sonyń biri fılosofııa ǵylymynyń doktory, professor Nurlan Qadyruly Seıtahmetov. Ǵylymdy pedagogıkamen ushtastyryp, kóptegen eńbekter jazdy. Onyń eńbegi aıryqsha boldy. Negizinen fılosofııadaǵy adam máselesin, tulǵalyq fılosofııany qalyptastyrýǵa eren eńbek sińirdi", deıdi Fılosofııa jáne saıasattaný ınstıtýtynyń dırektory, UR UǴA akademıgi, fılosofııa ǵylymynyń doktory Ábdimálik Nysanbaev. Onyń aıtýynsha, Qazaqstannyń táýelsizdigin ózge emes dál osy jerdegi halyq quryp, damytyp jatyr. Oǵan janyn pıda etken tulǵaly azamattardyń eńbegi eskerýsiz qalmaý kerek. Óli rıza bolmaı, tiri baıymaıdy degendeı, olardyń eńbegin ǵalymdar nasıhattap, úgit jumystaryn jasaý kerek. Eshten kesh jaqsy degendeı, qazir elimizde tulǵalyq fılosofııany zertteý máselesi qaıta qolǵa alynyp jatyr.
