Almatyda shyǵys bıi boıynsha Qazaqstan chempıonaty ótedi

Dástúrge aınalǵan «Bı fantazııasy» respýblıkalyq festıvaliniń uıymdastyrýshysy - Fıtnes Aerobıka qaýymdastyǵy.

Baıqaýǵa Oral, Shymkent, Qaraǵandy, Astana, Almaty jáne Qazaqstannyń basqa da oblystary men jaqyn sheteldiń ár qalalarynan áýesqoı jáne kásipqoı shyǵys bıin bıleýshi bıshiler qatysady.

«Osymen birneshe jyl festıval shyǵys bıi men shyǵys mádenıetin unatatyn ortaq jandardyń basyn biriktirýde. Baıqaý áýesqoı bıshiler men bı óneriniń qyr-syryn jańadan meńgerýshilerge óz kásibı deńgeıin kóterýge yqpal etýmen qatar, óziniń shyǵarmashylyq áleýetin ashýǵa múmkindik berý maqsatynda ótkizilip keledi», - deıdi Fıtnes Aerobıka qaýymdastyǵynyń bas dırektory Elena Osadchaıa.

Onyń aıtýynsha, sharanyń qurmetti qonaqtary retinde Egıpet pen Sırııadan tanymal bıshi, pedagog - horeograf, Nour arab bıiniń qoıýshy Tatıana Fedıaeva men ánshi kompozıtor, Halyqaralyq ártister qaýymdastyǵynyń prezıdenti ıAsser al Sýveırı arnaıy shaqyrylǵan.

Baıqaýǵa tanymal bıshiler men arab bıiniń horeograftary, ánshiler men mýzykanttar qazylyq jasaıtyn bolady. Chempıonattyń jeńimpazdary medaldarmen, gramota, kýboktarmen qatar, baǵaly syılyqtarmen marapattalady.

Shara aıasynda sheberlik synyptar uıymdastyrylmaq.

Chempıonattyń jabylý saltanaty shyǵys bıin oryndaýshy qonaqtardyń gala-kontsertimen aıaqtalady.