Almatyda «Shyǵys bazary» jármeńkesi ótip jatyr
ALMATY. QazAqparat - Almatydaǵy Memlekettik ortalyq mýzeıde qolóner sheberleriniń «Shyǵys bazary» atty jármeńkesi ótip jatyr, dep habarlaıdy QazAqparat tilshisi.
Ortalyq Azııa qolóner buıymdarynyń jármeńkesi Tuńǵysh Prezıdent kúnin merekeleý aıasynda ótip jatyr. Bul sharany memlekettik ortalyq mýzeı men «Baqyt» sándik-qoldanbaly óner ortalyǵy birlesip uıymdastyrdy.
Jármeńkege Qazaqstan, Qyrǵyzstan, Tájikstan, Túrikmenstan, Ózbekstan jáne Reseıden kelgen sheberlerdiń syılyq jáne kádesyı ónimderi usynylǵan.
Atap aıtar bolsaq, kıizden tigilgen kıimder, teriden jasalǵan ámıan, beldik jáne taǵy basqa kúndelikti tutynatyn zattar bar. Sondaı-aq, aǵash, keramıkadan jasalǵan ydystar, zergerlik buıymdar, mýzykalyq aspaptar, shyǵys mınıatıýrasy, toqyma buıymdary kópshilik nazaryna usynyldy.
Sonymen qatar, jármeńke aıasynda sheberlik saǵattary uıymdastyryldy, onda qolóner sheberleri bir-birimen tájirbıe almasty.
«Shyǵys bazary» jármeńkesi 1 jeltoqsanǵa deıin jalǵasady.
