Almatyda shyǵyp ketken máslıhat depýtattarynyń ornyna kimder saılandy
ALMATY. QazAqparat - Almatyda shyǵyp ketken máslıhat depýtattarynyń ornyna depýtattar saılandy, dep habarlaıdy QazAqparat tilshisi.
3 ýchaskede de «Nur Otan» partııasynyń músheleri basym daýys jınady.
Aıta ketý kerek, osynyń aldynda saılanǵan máslıhat depýtattarynyń korpýsynan 3 depýtat belgili bir sebeptermen ornyn bosatqan bolatyn. Qalalyq Saılaý komıteti osy úsh depýtattyń ornyna 3 okrýg boıynsha saılaý ótkizdi.
Qalalyq saılaý komıteti habarlaǵandaı, qalada 55 saılaý ýchaskesi jumys istep tur. Barlyǵy 85 045 saılaýshy bar, onyń ishinde 23 000-y máslıhat depýtattaryn saılaýǵa qatysty.
Almaty qalasy boıynsha saılaýshylardyń kelý kórsetkishi 27,1 % boldy, № 6 okrýgi boıynsha - 28,6 %, № 16 okrýgi boıynsha - 25,6 %, № 21 okrýgi boıynsha - 27,2 %.
3 saılaý ýchaskesinde 9 úmitker baq synady. Ár saılaý ýchaskesinde 1 «Nur Otan» múshesi men 2 adam ózin ózi usyndy.
№ 6 okrýgi boıynsha ózin ózi usynǵan úmitker Lıhoded Lıýbov Vladımırovna 10,1 % daýys, ózin ózi usynǵan úmitker Rybkın Igor Sergeevıch - 11,4 %; «Nur Otan» múshesi Tólegenova Janna Vıktorovna - 78,5 % daýys jınady. Osylaısha bul okrýgten Tólegenova Janna Vıktorovna saılandy.
№ 16 okrýgi boıynsha «Nur Otan» múshesi Banşıkova Vıacheslav ıÝrevıchke saılaýshylardyń 75,5 %-y, ózin ózi usynǵan úmitker Kım Denıs Vılorevıchke - 11,8 %; ózin ózi usynǵan úmitker Skoropadskaıa Galına Aleksandrovnaǵa - 12,7 %-y daýys berdi. Osylaısha bul okrýgten Banşıkov Vıacheslav ıÝrevıch máslıhat depýtaty bolyp saılandy.
№ 21 ózin ózi usynǵan úmitker Polkanov Konstantın Vıktorovıch saılaýshylardyń 8,9 % daýysyn jınady. Ózin ózi usynǵan úmitker Ýtepova Ekaterına Rýslanovna - 6,4 %, «Nur Otan» partııasynyń múshesi Shynybekov Damır Abdýhalıevıch- 84,7 % daýys jınady. Osylaısha Shynybekov Damır Abdýhalıevıch máslıhat depýtattyǵyna saılandy.
«Osyǵan sáıkes, barlyq kandıdat 5 paıyzdan joǵary daýys jınap, «Qazaqstan Respýblıkasyndaǵy saılaý týraly» Konstıtýtsııalyq zańynyń 104 babynyń 1 tarmaǵyna sáıkes, 122 295 tenge somasyndaǵy ótkizgen, saılaý jarnasyn qaıtaryp alýǵa quqyly»- dedi saılaý komıtetinen.
Barlyq saılanǵan depýtattar joǵary bilimdi, basshy laýazymdarda qyzmet etedi.
