Almatyda shyǵyp qalǵan máslıhat depýtatynyń ornyna saılaý ótti
ALMATY. Qazannyń 27-si. QazAqparat /Erbol Azanbek/ - Almatyda №6 okrýg boıynsha shyǵyp qalǵan máslıhat depýtatynyń ornyna jańa saılaý ótti.
Bul týraly búgin qalalyq saılaý komıssııasynyń tóraǵasy Ádil Júnisov málim etti, dep habarlaıdy QazAqparat.
Ádil Júnisovtyń aıtýynsha, shyǵyp qalǵan máslıhat depýtatynyń ornyna 11 úmitker usynylǵan. Saılaýǵa deıin onyń altaýy túrli sebeptermen shyǵyp ketken. Nátıjesinde saılaýǵa 4 úmitker qatysyp, 24 myń 322 saılaýshysy bar okrýgten 2 myń 146 adam nemese 78,1 paıyz daýyspen Talǵat Ábjapparov máslıhat depýtaty bolyp saılanǵan.
Qalalyq saılaý komıssııasy tóraǵasynyń sózine qaraǵanda, daýys berý nátıjeleri boıynsha usynystar men shaǵymdar kelip túsken joq.
