Almatyda shuńqyrǵa túsip ketken júrgizýshiniń shyǵynyn kommýnaldyq qyzmet óteıdi
ALMATY. QazAqparat - Almatyda shuńqyrǵa túsip ketip kóligin zaqymdaǵan júrgizýshige kommýnaldyq qyzmet ókilderi shyǵynyn óteıtin boldy, dep habarlaıdy QazAqparat tilshisi.
Qalalyq sottyń baspasóz qyzmetiniń habarlaýynsha, bul isti Bostandyq aýdandyq soty qaraǵan.
Jaýapty retinde qalalyq Energetıka basqarmasynyń «Almaty Sý» memlekettik kásiporny, «Jol-qurylys basqarmasy №13» JShS tartyldy.
Aıta ketý kerek, ótken jyly 17 aqpanda Qazybek bı men Shaǵabýtdınov kósheleriniń qıylysynda asfalt opyrylyp, shuńqyrǵa «Toıota kamrı» kóligi túsip ketken bolatyn.
Sot sheshimimen jaýapqa tartylǵandar aıypty dep tanylyp, materıaldyq shyǵyndy ishinara óteý týraly úkim shyǵaryldy.
