Almatyda Shómishbaı Sarıevtiń avtorlyq keshi bolady
ALMATY. 13 qazan. QazAqparat /Erlik Erjanuly/ - Almatyda 22 qazan kúni Balýan Sholaq atyndaǵy sport jáne mádenıet saraıynda Qazaqstannyń eńbek sińirgen qaıratkeri Shómishbaı Sarıevtiń "Aınaldym senen, atameken-aı" dep atalatyn avtorlyq keshi ótedi.
Oǵan aqynnyń óleńderine jazylǵan ánderdiń oryndaýshylary qatyspaq.
Qazirgi tańda 15 kitaptyń avtory bolyp otyrǵan Sh. Sarıevtiń shyǵarmalary álemniń kóptegen tilderine aýdarylǵan. Shyǵarmashlyq qyzmettegi zor jetistikteri úshin 2004 jyly «Tarlan» syılyǵymen jáne Frans Kafka atyndaǵy halyqaralyq qoǵamnyń ádebıettegi eren eńbegi úshin beriletin altyn medalimen marapattaldy. Sondaı-aq «Jyl adamy - Altyn adam» syılyǵyna ıe boldy.
Aqynnyń mereıtoılyq shyǵarmashylyq keshteri buǵan deıin Almatyda 2006 jyly Respýblıka saraıynda ótken edi. Onda qalamgerdiń «Elorda» baspasynan 2 myń taralymmen jaryq kórgen eki tomdyq tańdamaly óleńder jınaǵynyń tanystyrylymy boldy. Sondaı-aq Roza Rymbaeva, Naǵıma Esqalıeva, Nurlan Ónerbaev, Maqpal Júnisova, Sembek Jumaǵalıev sııaqty tanymal ánshiler halyqtyń súıip tyńdaıtyn «Erkelediń sen», «Atameken», «Araldan ushqan aqqýlar» jáne «Qaraǵym-aı», «Aqqý senim» sııaqty ánderin oryndaǵan edi.
