Almatyda Sholohov kóshesiniń boıyndaǵy tóbeleske qatysty tergeý júrgizilip jatyr
ALMATY. QazAqparat - Almatyda Sholohov kóshesiniń boıynda bolǵan tóbeleske qatysty tergeý amaldary júrgizilýde. Bul týraly búgin Almaty qalalyq ІІD baspasóz qyzmeti habarlady.
2016 jyly 16 qańtar kúni saǵat 13.30-da Túrkisib aýdanynyń Іshki ister basqarmasyna 1976 jyly týǵan azamat kelip, jolda tóbeles shyǵarǵan adamnyń ústinen shaǵymdanǵan.
«Bul derek QR Qylmystyq Kodeksiniń 293 babynyń 1 tarmaǵy boıynsha (buzaqylyq) sotqa deıingi biryńǵaı tergeý tizilimine engizildi. Bul oqıǵa saǵat 13:00 shamasynda Sholohov kóshesi boıynda, Seıfýllın dańǵylynyń shyǵys jaǵyna taman jerde bolǵan. Eki avtokólik te batys baǵytta kele jatqan. Bul jerde qaqtyǵys jolaı kele jatqan kóliktiń beınekamerasyna jazylyp qalǵan. Bul beınetaspa endi tergeý aıasynda muqııat zertteledi. Ol sotqa deıingi tergeý materıaldaryna qosyldy.
Tergeý qorytyndysy boıynsha tıisti protsessýaldyq sheshim qabyldanady», - dedi osyǵan oraı Túrkisib aýdandyq ІІB bastyǵy, polıtsııa podpolkovnıgi Danııar Meńdibaev.
Arada kóp ýaqyt ótpeı, aýdandyq ishki ister basqarmasyna «B» esimdi azamattan ekinshi qaıtara aryz kelip túsken. Onda ol ústinen aryz túsirgen azamatqa qatysty eshqandaı aryz-talaby joq ekendigin aıtqan. Sondaı-aq, aryz berýshi sot-medıtsınalyq saraptamadan ótýden bas tartqan.
Soǵan qaramastan, tergeý amaldary júrgizilip jatyr.
