Almatyda Shókın kóshesiniń bir bóligi tórt aıǵa jabylady
ALMATY. QazAqparat - Almatyda jylý jelilerin qaıta qurý kezinde Sh. Shókın kóshesiniń bir ýchaskesindegi jol jabylady, dep habarlaıdy QazAqparat tilshisi.
«Almaty jylý júıesi» kásipornynyń málimetinshe, 24 mamyrdan 20 qyrkúıekke deıin Shapyq Shókın kóshesiniń boıynda Qarasaı batyr kóshesinen Raıymbek dańǵylyna deıin avtokólik qozǵalysy toqtatylady.
«Ýaqyt shekteýleri osy kóshe segmentiniń júris bóliginiń astynda ótetin magıstraldyq qubyrdy josparly aýystyrýmen baılanysty. Jergilikti turǵyndarǵa qolaıly jaǵdaıdy saqtaý úshin úılerge ystyq sý ýaqytsha shema boıynsha beriletin bolady» - delingen habarlamada.
