Almatyda ShOB sýbektileri úshin saýda alańdaryn qurý máselesi talqylandy

Jıynda tikeleı ınvestıtsııa qorlarynyń qatysýymen orta jáne shaǵyn bıznes sýbektileri saýda alańdaryn qurý múmkindigi qarastyrylýda. Talqylaýǵa kásipkerler, Qazaqstan qor bırjasy (KASE) tikeleı ınvestıtsııalar qoryn basqaratyn brokerlik kompanııalardyń ókilderi qatysty. «Qazyna Kapıtal menedjment» dóńgelek ústel barysynda ınfraqurylymdy damytýdyń 3 balama nusqasy kórsetilgen taldaýmen tanystyrdy.

«Halyqaralyq tájirıbeni eskere kele 3 tujyrymdama shyǵardyq. Birinshiden, KASE bazasynda arnaıy saýda alańyn qurý, ekinshiden, bırjalyq emes naryq tájirıbesin qoldaný, úshinshiden, arnaıy paı qorlaryn qoldaný tujyrymdaryn usynamyz», - dedi CKIF dırektory Daýren Ońaev.
 

Maman Qazaqstandaǵy shaǵyn jáne orta bıznes formalarynyń ereksheligin eskere kele KASE bazasyndaǵy arnaıy saýda alańynyń ereksheligin anyqtap kórsetti.

«KASE bazasynda JShS-lardy bırja alańyna shyǵaratyn mehanızmniń arnaıy ınfraqurylymy qalyptasqan. Bul bizdiń negizgi nusqamyz. Munda naryq qatysýshylarynyń arasyndaǵy qarym-qatynas jaqsy qalyptasqan. Brokerlik kompanııalar túgel kórsetilgen. Sonymen qatar, KASE bazasyndaǵy alań ashyqtyq qaǵıdattaryna tolyq jaýap bere alatyn edi. Biraq bul jaǵdaı reglamentteýdiń normatıvtik qujattaryn, bırja erejesin, zańdardy ózgertýge týra keletin edi. Al ekinshi nusqa OTS formatyndaǵy balama - ekijaqty tikeleı saýdany bildiredi. Satýshy men satyp alýshy bir-birin arnaıy alań arqyly taýyp alady. Mundaı alańdy qurý aqparattyq ınfraqurylymdy talap eteri sózsiz. Bul jaǵdaıda kompanııalar aýdıt, esep berýge daıyn bolýy tıis. Investorlar aqparatty arnaıy alań arqyly ózderi taýyp alady. Úshinshi balama usynys - Paı ınvestıtsııalyq qorlar arqyly alań ashý. Basqarýshy kompanııa bul jaǵdaıda qatysýshylardyń úlesin alańǵa shyǵarýmen aınalysatyn bolady. Bul basqarýshy kompanııa qorlarmen de baılanysta bolady. Bul balama boıynsha da zańda shekteýler kóp», - dedi Dáýren Ońaev.
 

«Qazyna Kapıtal Menedjment» basqarma tóraǵasy Asqar Dostııarovtyń aıtýynsha, tikeleı ıvnestıtsııa aǵymy qarjylyq naryqtyń damýyna tikeleı baılanysty. Qarjy naryǵynyń keıbir bólshekteriniń jetispeýshiligi mysaly ShOB úshin saýda alańy, ınvestıtsııalyq qorlar úshin ekinshi deńgeıli naryq kóptegen kompanııalarǵa private equity júıesiniń jolyn jabady jáne halyqaralyq ınvestorlardy tartýǵa kedergi keltiredi.

«Bul másele - qor naryǵy arqyly balama jolmen shyǵý strategııasy bizde nege joq? Osy másele jazda kóterilgen bolatyn. Halyqaralyq tájirıbeni eskere kele private equity naryǵy qor naryǵynyń damýyna tikeleı baılanysty ekenin túsindik. Tikeleı ınvestıtsııa qorlary qor naryǵynyń alańyn paıdalana otyryp, potentsıaldy klıentterin qalyptastyra alatyn edi. Qazir buǵan qajettilik týyp otyr. Sondyqtan, portfeldik kompanııa ókilderi, bıznes salasynyń ókilderin, qor naryǵy salasynan bırjalyq kompanııalardy tartyp, birge talqylaýdy jón kórdik. ıAǵnı, kelesi jyly tikeleı ınvestıtsııa qorlary qor naryǵy arqyly kire alatyn arnaıy ınfraqurylym qurý múmkindigin izdeıtin bolamyz», - dedi A.Dostııarov.
 

Óz kezeginde KASE ókilderi bul múmkindikti qarastyrýǵa óz pikirlerin bildirdi.

«Bizdiń qorda 4 alań bar. Biz qundy qaǵazdarmen, derıvatıvtermen jumys jasaımyz. Sondaı-aq, valıýta naryǵy bar. Alaıda, tartymdy emıtent tabý úshin ony ósirý kerek. Sondyqtan, biz startaptan bastap IPO deıin damytý strategııasyn qolǵa alǵanbyz. Emıtent naryqqa shyǵyp, óziniń ınvestor izdeıtinin jarııalaǵan soń korporatıvtik basqarý boıynsha barlyq talapty oryndaýy tıis. Sondyqtan, Qazaqstanda venchýrlik kapıtal úlken ról oınaıdy. Óıtkeni, kompanııalarǵa bıznes bastaǵanda qarjy kerek. Biz óz tarapymyzdan startap alańyn qurýdy qolǵa aldyq. Bul ınvestorlardy tabýda basty qadam bolady. Óıtkeni KKM-de qor naryǵyna shyǵýǵa daıyn kompanııalar bar. Bırja ınfraqurylymy buǵan tolyǵymen múmkindik beredi», - dedi KASE basqarma tóraıymy Aldambergenova Alına.