Almatyda ShQO jáne Abaı oblysy óndirýshileriniń azyq-túlik jármeńkesi ótedi
ALMATY. QazAqparat - Almatyda 15-16 qazan kúni Shevchenko kóshesiniń boıynda «Ǵylym ordasy» arheologııa murajaıynyń aldynda aýylsharýashylyq ónimderiniń jármeńkesi ótedi, dep habarlaıdy QazAqparat tilshisi.
Eki oblystyń taýar óndirýshileriniń qatysýymen ótetin aýyl sharýashylyǵy jármeńkesine 168 tonnadan astam azyq-túlik jetkiziledi.
Almaty turǵyndary men qala qonaqtaryna 50 ónim túri usynylady. Atap aıtar bolsaq, 40 tonna et, 20 tonna sút ónimderi, jemis- jıdek pen kókónis 30 tonna, balyq 13 tonna, bal 40 tonna, 25 tonna ózge de ónimder bar.
Jármeńkede usynylatyn azyq-túlik baǵasy naryq baǵasynan 8-20 paıyzǵa tómen bolady.
Jármeńke ótetin oryn - Shevchenko kóshesiniń boıynda, Qonaev kóshesi men Pýshkın kósheleriniń aralyǵynda («Ǵylym ordasy» arheologııa murajaıyna qarama-qarsy).
