Almatyda ShQO-dan et tasymaldaıtyn dıstrıbıýtorlyq ortalyq ashylmaq
ALMATY. QazAqparat - Almaty əkimdiginde qalaǵa et tasymaldaý məselesi talqylandy, dep habarlaıdy QazAqparat tilshisi.
Almaty ákiminiń orynbasary Almas Mádıev pen Shyǵys Qazaqstan oblysy ákiminiń orynbasary Shalqar Baıbekov ekijaqty yntymaqtastyqty arttyrý boıynsha kelisimge keldi.
«Búgingi tańda Shyǵys Qazaqstan oblysynda 28 myń bas iri qara ustaıtyn 96 bordaqylaý alańy bar. Munda Kanada, AQSh jáne Avstralııanyń «Angus», «Gereford», «Charolais» tuqymdy etti maldary soıylady. Osyǵan baılanysty, ShQO-dan sapaly et tasymaldaý úshin dıstrıbıýtorlyq ortalyq ashý məselesin talqyladyq. Bul ShQO-nyń et brendin qalyptastyrýǵa septigin tıgizbek» - dedi ShQO ákiminiń orynbasary Shalqar Baıbekov.
Shyǵys Qazaqstan oblysynyń delegatsııasy Almaty kásipkerlerine memlekettik qoldaý tetikterin usyndy. Osylaısha, kásipkerlerge satyp alynatyn jabdyq pen kólik qunynyń 50% óteletin bolady. Memlekettik bıýdjet qarajaty esebinen kəsiporyn ınfraqurylymmen qamtamasyz etiledi jáne jer telimderin bólý men tirkeý boıynsha kómek kórsetiledi.
Bul jobaǵa almatylyq «ISKB» kompanııasy ınvestıtsııa salýǵa əzir.
Bul kompanııa Alakól kóliniń jaǵasynda meıramhana salǵan.
Kəsipker Shyǵys Qazaqstan oblysynda mal soıý ornyn ashý jáne sútti tereń óńdeý arqyly sút fermasyn salýǵa daıyn.
Daıyn ónimdi kəsiporyn óziniń meıramhanasyna jáne Almaty naryǵyna jetkizýdi josparlap otyr.
Budan basqa óńiraralyq yntymaqtastyq aıasynda Shyǵys Qazaqstan oblysynan Almatyǵa jetkiziletin aýyl sharýashylyǵy ónimi kóleminiń artyp kele jatqandyǵy aıtyldy.
Almaty Kásipkerlik jáne ındýstrıaldy-ınnovatsııalyq damý basqarmasy taratqan aqparatqa səıkes, 2016 jyly 416 tonna, al 2017 jyly 1000 tonna sút ónimi jetkizilgen.
