Almatyda shirkeýdegilerdi shoshytqan «lańkes» 2 jylǵa sottaldy
ALMATY. QazAqparat - Almatyda Nıkolsk shirkeýinde jarylys jasalatyny týraly jalǵan habar bergen «lańkes» eki jylǵa bas bostandyǵynan aıyryldy, dep habarlaıdy QazAqparat tilshisi Almaly aýdandyq sotynyń baspasóz qyzmetine silteme jasaı otyryp.
«Aıyptalýshy J. QR QK 273-babynda kórsetilgen (terrorlyq aktisi týraly jalǵan aqparat taratý) qylmysty jasaǵany úshin kináli dep tanylyp, 2 jyl jalpy rejimdegi túzeý kolonııada jazasyn óteıtin boldy. Úkim zańdy kúshine engen joq», - dedi sot zalynan.
Іs barysynda anyqtalǵandaı, sottalýshy 2016 jyldyń 11 qyrkúıeginde saǵat 07.13-te Almaty qalasynyń Máýlenov-Gogol kósheleri qıylysynda turyp, jalǵan aqparat taratý týraly oılaǵan.
Osydan keıin ol taksofonnan ІІD-niń 102 nómirine habarlasyp, 11 qyrkúıek kúni Almatydaǵy Nıkolsk shirkeýinde saǵat 10.00-de jarylys bolatyny, oǵan astyrtyn daıyndyq júrgizilip jatqany týraly jalǵan aqparat bergen.
Aıyptalýshy sotta óz kinásin tolyǵymen moıyndady.
