Almatyda shıpajaıda joǵalyp ketken jigit tabyldy
ALMATY. QazAqparat - Almatyda «Kóktem» shıpajaıynda joǵalyp ketken 1993 jyly týǵan Almat Qorǵan tabyldy. Bul týraly onyń ákesi Sábıt Qorǵan aıtty, dep habarlaıdy QazAqparat tilshisi.
«Balamyzdy tapty, tapqany týraly jańa ǵana habarlasty, men ózim Astanada júrmin, áli kórgenim joq. Qaıdan, qalaı tabylǵany, qaıda bolǵany týraly qazir aıta almaımyn. Eń bastysy, tabyldy. Barshalaryńyzǵa rahmet», - dedi Almattyń ákesi Sábıt.
Sonymen qatar, Almat Qorǵannyń tabylǵany týraly Feısbýk paraqshasynda onyń aǵaıyny Amandyq Ámirhamzın habarlady
«Іnimiz - ALMAT SÁBITULY QORǴAN Almaty qalasynan tabyldy. Barlyq FB-dostaryma, ásirese jýrnalıster qaýymyna, Almaty jáne Taldyqorǵan qalalaryndaǵy eriktiler jáne barlyq janashyr jandarǵa, aqparatty bólisip otyrǵan tanıtyn jáne tanymaıtyn da aǵaıyndarǵa, qysqasha aıtqanda izdeýge at salysqan jurtshylyqqa óz jáne áýletimiz atynan ALǴYS aıtqym keledi!», dep jazdy ol.
Eske sala keteıik, Almatydaǵy «Kóktem» shıpajaıynda anasymen birge emdelip jatqan 1993 jyly týǵan Almat Qorǵan 2017 jyldyń 6 shildesi kúni keshki saǵat 20-26-da «Kóktem» shıpajaıy aýlasynan shyǵyp ketkennen qaıtyp oralmaǵan bolatyn.
