Almatyda shildeniń 1-7 aralyǵynda júrgizilgen reıd barysynda 35 zańsyz saýda oryndary men 29 jabaıy saýda núkteleri anyqtaldy
ALMATY. 11 shilde. QazAqparat /Názıra Eleýhan/ - Almatyda shildeniń 1-7 aralyǵynda qala polıtsııasy men ákimdiginiń jáne sanıtarlyq-epıdemıologııalyq qyzmettiń birigip júrgizgen reıdi barysynda 35 zańsyz saýda oryndary men 29 jabaıy saýda núkteleri anyqtaldy.
Júrgizilgen is-shara barysynda Alataý aýdanynda - 3, Áýezov aýdanynda - 6, Almaly aýdanynda - 4, Bostandyq aýdanynda - 7, Jetisý aýdanynda - 9, Túrksib aýdanynda - 6 zańsyz jumys istep turǵan oryndar jabyldy.
Reıd jumystary sonymen qatar, qala bazarlarynyń aınalasynda da júrgizildi. Polıtsııa kúshimen barlyq jabaıy saýda men jaıma bazar núkteleri taratyldy. Munda negizinen kókónister men jemis-jıdekter, sonymen qatar, usaq-túıek taýarlar satylǵan.
Almaty qalasy boıynsha memlekettik sanıtarlyq-epıdemıologııalyq baqylaý komıteti mamandarynyń aıtýynsha, osy baǵyttaǵy jumystar áli de jalǵasatyn bolady.
