Almatyda shilde aıynyń 18-i men tamyzdyń 25-i aralyǵynda jóndeý jumystaryna baılanysty Abaı dańǵyly jartylaı jabyq bolady
ALMATY. Shildeniń 16-y. QazAqparat /Názıra Eleýhan/ - Bıylǵy jyly shilde aıynyń 18-i men tamyzdyń 25-i kúnderi aralyǵynda kúrdeli jóndeý jumystaryna baılanysty kvartal saıyn Abaı dańǵyly jáne Jandosov kóshesinen Dostyq dańǵylyna deıin qozǵalys toqtatylatyn bolady, dep habarlaıdy QazAqparat.
Kúrdeli jóndeý jumystary barysynda Abaı dańǵyly keńeıtilip, qaýipti jaǵdaıda turǵan aǵashtar alynatyn bolady.
Joldardyń jabylýy toqsan saıyn - shildeniń 18-nen Abaı dańǵyly, sonymen qatar, Fýrmanov kóshesinen Abaı dańǵylyna deıingi kóshe shamamen 8-10 kúnge jabylatyn bolady. Odan keıin Jeltoqsan kóshesinen Fýrmanov kóshesine deıingi aralyq, sodan soń, Naýryzbaı batyr kóshesinen Jeltoqsan kóshesine deıingi aralyqtaǵy qozǵalys toqtatylatyn bolady.
Keıbir jol ýchaskelerindegi jóndeý jumystar 2-3 kún, basqa jerlerde 8-10 kún júrgiziletin bolady. Abaı dańǵylyndaǵy kúrdeli jóndeý tolyǵymen tamyz aıynyń 25-i kúni aıaqtalady dep josparlanýda.
