Almatyda sheteldikter aqyly túrde ekpe saldyrta alady
ALMATY. QazAqparat - Almatyda sheteldik azamattar koronavırýsqa qarsy «Sputnik V» vaktsınasyn aqyly túrde jeke medıtsınalyq uıymdarda ala alady. Bul týraly qalanyń bas sanıtarlyq dárigeri Jandarbek Bekshın málim etti, dep habarlaıdy QazAqparat tilshisi.
«Sheteldik azamattar vaktsınany óz qarajattary esebinen saldyrtady. Eger qandaı da bir uıym olar úshin vaktsına qúnyn tóleýge nıet bildirse, onda, árıne, buǵan tyıym salynbaıdy», - dep jaýap berdi jýrnalısterdiń suraǵyna Jandarbek Bekshın.
Onyń aıtýynsha, bári úshin ekpeniń baǵasy bir.
«Baǵasy barlyǵyna birdeı. Baǵa 8 025 teńgeden aspaýy kerek. 7 500 teńgege de saldyrýǵa bolady, degenmen zerthanalardyń kóbi baǵany 8 025 teńge kóleminde ustap tur», - dedi ol.
