Almatyda sheteldik jaýyngerlerdiń qatysýymen beıbit maqsattaǵy «Dala qyrany 2010» oqý-jattyǵýlary ótedi
ASTANA. Tamyzdyń 9-y. QazAqparat. Aldaǵy dúısenbide Almaty oblysynda «Dala qyrany 2010» beıbit maqsattaǵy arnaıy taktıkalyq oqý-jattyǵý jumystarynyń birinshi daıyndyq kezeńi bastalady.
Qorǵanys mınıstrligi taratqan málimetterge qaraǵanda, jattyǵý jumystary Almaty mańyndaǵy «Іle» oqý ortalyǵynyń bazasynda ótedi. Oǵan negizenen «Qazbrıg» beıbit maqsattaǵy brıgadasy men «Qazbat» batalonynyń jaýyngerleri qatysady. Sondaı-aq atalmysh sharaǵa AQSh men Ulybrıtanııanyń áskerleri de atsalysady dep kútilýde.
Qazirgi tańda sheteldik áskerler elimizge kelip, Іle polıgonynyń aımaǵyndaǵy jerlerge ornalastyrylýda. Jattyǵýǵa myńnan astam jaýynger qatyspaq. Olardyń basym bóligin Qazaqstan Respýblıkasy Qarýly Kúshteriniń aeroutqyr áskerleri bólimsheleriniń sarbazdary qurap otyr.
