Almatyda sheteldik týrıster sany 45%-ǵa ósti
ALMATY. QazAqparat - Almaty qalalyq týrızm basqarmasynyń basshysy Maqsat Qıqymov megapolıske keletin sheteldik týrısterdiń sany arta túskenin málimdedi, dep habarlaıdy QazAqparat tilshisi.
«Sońǵy 15 jylda Almatyda alǵash ret sheteldik týrısterdiń sany 45,9%-ǵa artqan. Statıstıka komıtetiniń deregi boıynsha bıyl birinshi toqsanda tuńǵysh ret Almaty qalasynda 45,9%-ǵa ósim baıqaldy. Sheteldik týrısterdiń sany 91,3-ǵa myńǵa jetken», - dep jazdy Maqsat Qıqymov.
Sondaı-aq, ol sheteldik týrısterdiń sany tipti iri halyqaralyq sharalar men Azıada Ýnıversıada kezinde de mundaı dárejege jetpegendigin aıtty.
Jalpy, Almaty qalasyndaǵy týrısterdiń sany 25,8%-ǵa artyp, 271,5 myń týrıske jetti. Onyń ishinde ishki týrızm 17,6% ósti.
Taǵy bir aıta keterligi, bir jyldyń ishinde qonaq úı men hostelder 40,5%-ǵa ósti. Qyzmet kórsetý kólemide 6,6 mlrd teńge ulǵaıyp 35,6%-ǵa jetti.
