Almatyda sheteldik nómir taqqan kólikterge reıd júrgizile me
ALMATY. QazAqparat - Almatyda júrgen sheteldik nómirli kólikterge arnaıy reıd uıymdastyryla ma? Bul suraqqa qalalyq ákimshilik polıtsııa basqarmasynyń bastyǵy Jandos Muratálıev jaýap berdi, dep habarlaıdy QazAqparat tilshisi.
«Biz eshqandaı arnaıy reıd ótkizbeımiz. Bul sheteldik nómirli kólikter kúndelikti patrýl kezinde jol qozǵalysy erejeleri buzylǵan kezde toqtatylady. Olar zań boıynsha jaýapqa tartylady», - dedi Jandos Muratálıev.
Eske salsaq, buǵan deıin Qazaqstanda bir jyldan astam ýaqyt bolǵan Armenııa, Qyrǵyzstan, Reseı nómirli kólikter zańnan tys qalady dep habarlanǵan bolatyn. Zańǵa engizilgen bul túzetýler «bóten» nómiri bar kólik ıeleriniń arasynda úlken narazylyq týdyrdy.
Keıin QR Aqparat jáne qoǵamdyq damý mınıstri Dáýren Abaev ózge elde tirkelgen avtokólikterge tyıym salýǵa qatysty pikir bildirdi.
