Almatyda sheteldik qylmystyq top ókilderi ustaldy
ALMATY. QazAqparat - Almatyda transulttyq uıymdasqan qylmystyq toptyń músheleri ustaly. Olardyń ekeýi Tájikstan jáne bireýi Grýzııa azamaty, dep habarlaıdy QazAqparat UQK baspasóz qyzmetine silteme jasap.
«021 jylǵy 18 aqpanda QR UQK Almaty qalasy boıynsha departamenti polıtsııamen birlesip, transulttyq uıymdasqan qylmystyq topqa (TUQT) qatysýshylar áreketiniń jolyn kesý boıynsha arnaıy operatsııa ótkizdi.
Úsh er adam, olardyń ekeýi Tájikstan jáne bireýi Grýzııa azamaty, qala kásipkerlerine qatysty aýyr jáne asa aýyr qylmystar jasaýǵa daıyndalý kezinde ustaldy.
Qylmystyq nıetterin iske asyrý úshin TUQT músheleri Memlekettik shekarany zańsyz kesip ótip, QR aýmaǵynda astyrtyn bolǵan», delingen habarladama.
Komıtettiń málimetinshe, 2019 jyly top músheleriniń biri Qazaqstannyń quqyq qorǵaý organdary tarapynan jaýapqa tartylyp, elden shyǵarylǵan.
Ustalǵandar buryn birneshe márte sottalǵan jáne «urylar qaýymdastyǵynyń» áreketine qatystary bolǵan.
Olardyń biri qosarly kisi óltirý boıynsha jazasyn Reseıde ótegen. Ekeýiniń qylmystyq ortada «umtylýshylar» («zańdaǵy ury» ataǵyna úmitker) mártebesi bar jáne «zańdaǵy urylar» Ázız Batýkaevpen («Ázız»), Devıd Gerlıanımen («Dato Svan», 2017 jyly UQK jaýapqa tartqan) jáne basqalarmen baılanysta bolǵan.
«Ustaý barysynda 2 áskerı tapansha, 1 sholaq myltyq, olardyń oqtary, birneshe sýyq qarý jáne basqa da qarý-jaraq pen qylmys jasaý quraldary tabylyp, alyndy.
Topqa qatysýshylar Almaty qalasynda tájik dıasporasynyń kásipkerlerine tıesili lombardtarǵa, aıyrbastaý pýnktteri men turǵyn úılerge birqatar qaraqshylyq shabýyl jasaý jáne urlaý úshin turaqty qylmystyq top qurýdy, sondaı-aq olardan turaqty negizde aqshalaı qarajat alý úshin olardy «qamqorlyqqa alýdy» rettep qoıýdy josparlaǵan», delingen habarlamada.
Qazirgi ýaqytta ustalǵandarǵa qatysty Qylmystyq kodekstiń 287-baby 3-bóligi (qarýdy zańsyz saqtaý) boıynsha qylmystyq is qozǵaldy. 392-bap (Memlekettik shekarany qasaqana zańsyz kesip ótý) boıynsha qylmystyq is qozǵaý týraly másele sheshilýde.
Іstiń ózge de mán-jaılaryn anyqtaý, sondaı-aq atalǵan adamdardyń basqa da qylmystarǵa qatystylyǵyn tekserý jónindegi jedel-tergeý is-sharalary jalǵasýda.
