Almatyda sheteldik bapkerdi úı qyzmetshisi tonap ketti
ALMATY. QazAqparat – Almatyda úı qyzmetshisi sheteldik jattyqtyrýshyny tonap ketken, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, semserlesýden Qazaqstan olımpıada quramasynyń 60 jastaǵy jattyqtyrýshysy, kóp mólsherde aqsha urlanǵany týraly aryzdanǵan.
«Majarstan azamatynyń aıtýynsha, úıden 1 myń ekrodan astam qarajat joǵalǵan. Birinshi kezekte, biz, sheteldiktiń úıine kiretin adamdardy tekserdik. Tolyq tekserýden keıin kúdiktilerdiń tizimin jasadyq. Osylaısha biz úıin tazalaǵan áıeldi anyqtaı aldyq. Jedel túrde kúdiktiniń aqshany aıyrbastaǵan jeri anyqtaldy. Qajetti dálelder jınalǵannan keıin ol qamaýǵa alyndy. Úı tazalaýshy kinásin birden moıyndady», – dedi Almaly aýdandyq polıtsııa basqarmasynyń bastyǵy Esen Ysqaqov.
Spıker, bul fakti boıynsha Qylmystyq kodekstiń 188-baby boıynsha sotqa deıingi tergeý amaldary júrgizilip jatqanyn atap ótti.
