Almatyda sheteldik azamat urlyq ústinde ustaldy
ALMATY. QazAqparat - Almaty polıtseıleri qoǵamdyq kólikte qaltaǵa túsken sheteldikti qolǵa túsirdi, dep habarlaıdy QazAqparat tilshisi qalalyq ІІD baspasóz qyzmetine silteme jasaı otyryp.
«Shańyraq» shaǵynaýdanynda tańǵy saǵat 8:00 shamasynda №45 baǵdar boıynsha qatynaıtyn qoǵamdyq kólik ishinde jas qyzdyń qaltasyna túsip, uıaly baılanys telefonyn qoldy etken ózbekstandyq ustaldy. Dál osy kezde Alataý aýdany ІІB krımınaldyq polıtsııasy arnaıy bólimshesiniń ókilderi qoǵamdyq kólikterde baqylaý júrgizý ústinde bolǵan. Polıtseıler atalǵan oqıǵany baıqap qalyp, 1983 jyly týǵan Ózbekstan azamatyn ustady. Onyń Qazaqstanǵa jaqynda ǵana kelgeni anyqtaldy», - delingen habarlamada.
ІІD baspasóz qyzmetiniń málimdeýinshe, kúdikti tura almaı, qınalyp júrgendikten osyndaı qylmysty qadamǵa barǵanyn aıtqan.
«Kúdiktiniń ózge de qylmystarǵa qatystylyǵy anyqtalý ústinde. Jábirlenýshi óz telefonyn tanyp, qaıtaryp aldy. Kúdiktige qatysty QR QK 188-baby boıynsha is qozǵalady», -delingen habarlamada. 
