Almatyda sheteldik áıeldi ıterip, qulatqan polıtseı jumysynan bosatyldy
ALMATY. QazAqparat – Almatyda qyzmettik kóliktiń esigin ashpaq bolǵan sheteldik áıeldi ıterip, jerge qulatqan polıtseı jumysynan qýyldy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, tártip saqshysy sabyrsyzdyq tanytyp, is-áreketimen qoǵamda narazylyq týdyrdy. Saldarynan polıtsııa qyzmetkerleri synǵa qaldy.
«Tártip buzǵan qyzmetker 14 maýsym kúni jumystan shyǵaryldy. Ol polıtseı organda uzaq jumys istemedi», – dep habarlady vedomstvodan.
Buǵan deıin onyń vıdeosy áleýmettik jelide taraǵan bolatyn. Keıin qalalyq polıtsııa departamenti vıdeoǵa qatysty qyzmettik tekserý bastalǵanyn málim etken edi.
