Almatyda sheteldik avtokólikti zańdastyrýǵa 10 myńnan astam ótinish tústi
ALMATY. QazAqparat - Almatyda sheteldik kólikti zańdastyrýǵa 10 327 myń ótinish túsip, onyń 1649-y maquldandy. Bul týraly Almaty qalasy polıtsııa departamentiniń ákimshilik polıtsııa basqarmasy basshysynyń orynbasary Bolatbek Baıatanov málim etti, dep habarlaıdy QazAqparat tilshisi.
«Qazirgi tańda sheteldik avtokólikterdi zańdastyrý erejeleri ótinish berýdiń eki ádisi, ıaǵnı, mamandandyrylǵan halyqqa qyzmet kórsetý ortalyǵy jáne «Elektrondyq úkimet» portaly arqyly iske asady. Zańdastyrýdyń negizgi sharty - kólik quraldaryna 200 000 teńge kóleminde olardy bastapqy memlekettik tirkeý stavkasy qoldanylady», - dedi B.Baıatanov.
Bul rette kólik quraly 2022 jylǵy 1 qyrkúıekke deıin Qazaqstan aýmaǵyna ákelingen, izdeýde emes, burynǵy tirkelgen jerinen memlekettik tirkeýden shyǵarylǵan, kedendik resimdeýden ótken bolýy tıis.
«Avtokólikti qysqa merzimde zańdastyrýǵa bolady. Ótinishti qarap, sheshim qabyldaý merzimi nebári eki kún ýaqyt alady. Qazirgi tańda Almatydaǵy mamandandyrylǵan HQKO-larda kezek joq», - dedi Almaty qalasy polıtsııa departamentiniń ákimshilik polıtsııa basqarmasy basshysynyń orynbasary Bolatbek Baıatanov.
Eske salaıyq, Memleket basshysynyń tapsyrmasyna sáıkes, 2022 jyldyń 1 qyrkúıegine deıin elge ákelingen avtokólikterdi zańdastyrý naýqany júrip jatyr.
