Almatyda sheteldegi qazaq jastarynyń Qazaqstanda bilim alýy týraly alqaly jıyn ótedi
ALMATY. 13 qazan. QazAqparat /Erlik Erjanuly/ - Almatyda 14 qazanda «Sheteldik qazaq jastary: Qazaqstanda bilim alýy men ornyǵýy» dep atalatyn dóńgelek ústel májilisi bolady.
Ony Almaty qalasy ákimdiginiń ishki saıasat basqarmasynyń qoldaýymen Halyqaralyq «Janashyr» qoǵamdyq qory, «Rýhanııat» Jasyldar partııasy jáne «Alash úni» qoǵamdyq birlestikter odaǵy uıymdastyryp otyr.
Elbasy Dúnıejúzi qazaqtarynyń IV quryltaıynda sóılegen sózinde «Men álemniń ár qıyryndaǵy qazaq jastaryn atamekenge oqýǵa jáne qazaq eline qyzmet etýge shaqyramyn! Shet elderde tehnıkalyq bilim alǵan qazaq jastaryn ındýstrııalyq óndiriske jumysqa tartý kerek», degen edi. Sol sebepti bul shara Qazaqstanda bilim alyp jatqan sheteldik qazaq jastarynyń atamekenge kelýi men bilim alýy jáne jańa ortada ornyǵýy máselelerin ortaǵa salyp, sheshimin kútken máselerdi tıisti oryndarǵa jetkizý maqsatynda uıymdastyrlyp otyr. Oǵan sheteldik qazaq jastary, joǵary oqý oryndarynyń basshylary men ustazdary, memlekettik organdardyń ókilderi, qoǵam qaıratkerleri, etnomádenı ortalyqtar men saıası partııalardyń jáne qalalyq máslıhattyń depýtattary qatyspaq. Bul shara Qazaqstan Respýblıkasy táýelsizdiginiń 20 jyldyǵy aıasynda «Beıbitshilik pen jasampazdyqtyń 20 jyly» degen uranmen ótpek. Jalpy bıylǵy jyl QR Prezıdenti Nursultan Nazarbaevtyń Jarlyǵymen «Qazaqstan Respýblıkasy táýelsizdiginiń 20 jyldyǵy jyly» dep jarııalanǵan bolatyn. Atalmysh basqosý qalalyq ishki saıasat basqarmasynyń joǵarǵy oqý oryndarynda oqyp jatqan sheteldik stýdentter arasyndaǵy qazaqtyń tarıhyn, mádenıetin, salt-dástúrin, tilin nasıhattaý boıynsha júrgiziletin keshendi is-sharalar jospary boıynsha júzege asyrylýda.
