Almatyda shetel azamaty dezınfektsııa qyzmetkeriniń telefonyn urlap ketti
ALMATY. QazAqparat – Almatyda dezınfektsııa qyzmetkeriniń telefonyn urlaǵan Ózbekstan azamaty ustaldy, dep habarlaıdy QazAqparat tilshisi.
Almaty qalalyq Polıtsııa departamenti baspasóz qyzmetiniń málimetinshe, qylmys shaǵynaýdandardyń birinde ishki aýmaqtardy óńdeý kezinde bolǵan. Ózbekstannyń 49 jastaǵy azamaty «Gazel» kóliginiń ishinde jatqan uıaly telefondy qoldy etken. Kúdikti buǵan deıin de osyndaı áreketteri úshin qylmystyq jaýapkershilikke tartylǵany anyqtaldy.
«Qaskóı dezınfektsııa qyzmetiniń jumysshylary turǵyn úı kireberisterin zalalsyzdandyryp júrgenin baıqap, sony paıdalanǵan. Ol birden ustaldy. Bóteniń telefonyn satyp úlgermedi. Zattaı aıǵaqtar onymen birge boldy. Jeńil aqshany unatatyn ákki adam mundaı sátti qur jibermegen. Sondyqtan, bos kóshelerge qaramastan, azamattarǵa vırýstardan qorǵaný sharalaryn ǵana emes, jekemenshik múlkin qorǵaý sharalaryn da umytpaýǵa shaqyramyz», – dedi Almaty qalasy PD krımınaldyq polıtsııa basqarmasynyń basshysy Janolat Zıadın.
