Almatyda shet elden kelgen 2 myńnan asa jolaýshy statsıonarǵa jatqyzyldy
ALMATY. QazAqparat – Almaty qalasynyń ákimdigi barlyq halyqaralyq reıstermen kelýshilerge qalaǵa kirgen kezde mindetti túrde Qazaqstannyń memlekettik shekarasyn kesip ótken sátten 72 saǵat erte ýaqyt ishinde alynǵan PTR ádisimen COVID-19-ǵa testileýden ótkeni týraly anyqtama bolýy qajet ekenin eske salady, dep habarlaıdy QazAqparat tilshisi.
Bas memlekettik dárigerdiń qaýlysyna sáıkes, Qazaqstan Respýblıkasynyń azamattary bolyp tabylmaıtyn tulǵalar Qazaqstannyń memlekettik shekarasyn kesip ótken sátten 72 saǵat erte ýaqyt ishinde alynǵan PTR ádisimen COVID-19-ǵa testileýden ótkeni týraly anyqtama bolmaǵan jaǵdaıda, qalaǵa kirýlerine jol berilmeıdi.
Shetelden anyqtamasyz kelgen QR azamattary áýejaı aýmaǵynan PTR-testileýdi ótkizý úshin jáne nátıjelerdi kútý kezeńinde áýejaı aýmaǵynan ýaqytsha karantınge ornalastyrylatyn bolady.
Osyǵan baılanysty Almatyda qalanyń halyqaralyq áýejaıynda sanıtarlyq-epıdemııalyq baqylaý boıynsha kúsheıtilgen sharalar qabyldandy. Áýejaı qyzmetteri men vedomstvolardyń fýnktsıonaly boıynsha ózara is-qımyl algorıtmi ázirlendi jáne bekitildi: jelilik polıtsııa bólimi, shekara qyzmeti, sanıtarlyq-epıdemııalyq qyzmet. Ushyp kelý aımaǵynda halyqaralyq jolaýshylar áýe reısterimen keletin barlyq adamdardyń baılanyssyz termometrııasy júrgiziledi. Dene qyzýy joǵary adamdar nemese aýrý belgileri bar adamdar (jótel, entigý, tynys alýdyń qıyndaýy) anyqtalǵan jaǵdaıda jolaýshy Almaty áýejaıynyń ızolıatoryna nemese qalanyń ınfektsııalyq statsıonarlaryna ornalastyrylady, keıinnen tasymaldanady.
«2020 jyldyń 6-12 qazan ( tańǵy 08.00-ge deıge deıin) aralyǵynda shetelden Almaty qalasyna 8207 jolaýshysy bar 66 áýe reısi keldi. PTR nátıjesi bar anyqtamasy joq 2362 jolaýshy oqshaýlandy, 9 adam (sheteldikter) deportatsııalandy. Zerthanalyq tekserýden 2362 adam ótti, oń nátıje alynǵan 3 adam (Antalıa – Almaty-2, Dýbaı - Almaty reısi) qalanyń ınfektsııalyq statsıonarlaryna aýystyryldy, reıster boıynsha baılanysta bolǵan 40 adam ınkýbatsııalyq kezeń ishinde baqylaýǵa alyndy»,– delingen ákimdik taratqan aqparatta.
Jalpy qala boıynsha 5 karantındik ortalyq ashyldy, medıtsınalyq personal bekitildi, PTR nátıjesinsiz kelgen adamdarǵa zerthanalyq tekserý júrgizý úshin eki zerthananyń materıalyn alý úshin toptar bólindi (Ulttyq saraptama ortalyǵy jáne monıtorıngtiń sanıtarlyq-epıdemııalyq saraptama ǵylymı-praktıkalyq ortalyǵy).
Almatyǵa keletin barlyq halyqaralyq áýe reısteri áýejaıda bolǵan barlyq ýaqyt ishinde maska kııý týraly talapty saqtaýǵa, sondaı-aq áleýmettik qashyqtyqty qatań saqtaýǵa shaqyrady.
Kúrdeli epıdemııalyq jaǵdaıdy jáne birqatar elderde koronavırýs ınfektsııasynyń ekinshi tolqynynyń bastalý yqtımaldylyǵyn eskere otyryp, qala turǵyndaryna týrıstik saparlardy keıinge qaldyrýǵa jáne shetelge shyqpaýǵa keńes beriledi.
