23:53, 07 Qyrkúıek 2022 | GMT +6
Almatyda «Shertpe kúı» dástúrli mýzyka festıvali ótedi
NUR-SULTAN. QazAqparat - 23-26 qarasha aralyǵynda Almatyda Respýblıkalyq «Shertpe kúı» dástúrli mýzyka festıvali ótedi, dep habarlaıdy QazAqparat.
Sharanyń maqsaty – qatysýshylar arasynan daryndy jas ónerpazdardy anyqtap, olardyń kásibı sheberligin arttyrý, kúı óneri arqyly qazaqstandyq patrıotızm men ulttyq mádenıetti damytý.
Dástúrli mýzyka festıvaline 16-men 35 jas aralyǵyndaǵy mýzykalyq aspapta (dombyra) oryndaýshylar qatysa alady.
«Dombyra» nomınatsııasynda shertpe dástúrindegi úzdik oryndaýshylardy anyqtaıtyn konkýrsqa ótinimder 2022 jyldyń 6 qyrkúıek – 18 qarasha aralyǵynda orkestrkurmangaz@mail.ru elektrondy poshtasyna qabyldanady.
