Almatyda «Sheneýnikke SMS jolda» aktsııasy bastaldy

 dep habarlaıdy QazAqparat.

«Vechernıı Almaty» gazeti men «KaR-Tel» JShS uıymdastyryp otyr.  Jeltoqsannyń 1-ne deıin sozylatyn bul shara kezinde abonentter eshqandaı kezeksiz, úıden shyqpaı-aq sheneýnikterge óz saýaldaryn joldaı alady. Bul úshin olar  aty-jónin jazyp,  ózderin tolǵandyrǵan másele jónindegi saýalyn 988 nómirine jiberýi qajet. Oǵan  memlekettik organdardyń  quzyrly ýákilderi jaýap beretin bolady. Qyzyqty saýaldar men olardyń jaýaptary gazet betinde de jarııalanbaq.

«Jalpy buǵan deıin mundaı shara Pavlodar, Óskemen, Qaraǵandy jáne Taldyqorǵan qalalarynda da ótken bolatyn. Bastama  halyq pen bılik arasynda syndarly suhbat qurýǵa baǵyttalǵan. Oǵan Beeline tehnıkalyq qoldaý kórsetýde», deıdi  «KaR-Tel» JShS-niń jurtshylyqpen baılanys qyzmetiniń jetekshisi Pavel Rodın.