Almatyda sheneýnik iri kólemde alaıaqtyq jasaǵany úshin sottaldy

ALMATY. QazAqparat - Almaty qalalyq qala qurylysyn baqylaý basqarmasynyń bas mamany iri kólemde alaıaqtyq jasaǵany úshin sottaldy. Bul jóninde Sybaılas jemqorlyqqa qarsy is-qımyl agenttiginiń baspasóz qyzmetine silteme jasap QazAqparat habarlaıdy.

Almaty qalasynyń sybaılas jemqorlyqqa qarsy qyzmeti qala qurylysyn baqylaý basqarmasynyń bas mamany D. E. Seısembekovke qatysty sotqa deıingi tergeýdi aıaqtady.

«Ol zańsyz qurylysty buzý maqsatynda sotqa materıal jınamaǵany úshin, sondaı-aq zańsyz qurylysta kommertsııany kedergisiz júrgizý úshin jeke kásipkerden 2 600 000 teńge somasynda aqshalaı qarajat alý kezinde áshkerelendi» delingen habarlamada.

15 qazanda Almaly aýdandyq sotynyń úkimimen D.E. Seısembekov iri kólemde alaıaqtyq jasaǵany úshin kináli dep tanylyp, oǵan 3 jyl, 6 aı merzimge bas bostandyǵyn shekteý jazasy taǵaıyndaldy. Ol 5 jyl boıy belgili bir qyzmetti nemese basshylyq laýazymdy atqarý quqyǵynan aıyryldy.