Almatyda Shekara qyzmeti akademııasynyń 54 kýrsanty kornovırýstan em qabyldaýda
ALMATY. QazAqparat – Almatyda koronavırýs juqtyrǵandardyń qatarynda QR UQK Shekara qyzmeti akademııasynyń kýrsanttary da bar. Bul týraly qalalyq Qoǵamdyq densaýlyq saqtaý basqarmasynyń basshysy Tileýhan Ábildaev brıfıng barysynda aıtty, dep habarlaıdy QazAqparat tilshisi.
«Shekara qyzmeti akademııasy kýrsanttarynan koronavırýs indeti anyqtaldy. Alǵashynda 14 adamnan shyqqan. Qazir 54 kýrsanttyń osy indetti juqtyrǵany rastaldy. Olardyń barlyǵy juqpaly aýrýlar aýrýhanasynda jatyr. Báriniń jaǵdaıy qanaǵattanarlyq. Bekitilgen klınıkalyq hattamaǵa sáıkes em qabyldaýda»,– dedi Tileýhan Ábildaev.
