Almatyda shegirtkeden keler qaýip joq - mamandar
ALMATY. QazAqparat - Almatyda shegirtkeden kelip turǵan qaýip joq, dep jaýap berdi quzyrly mekeme mamandary QazAqparat tilshisiniń saýalyna.
«Normatıv boıynsha 1 sharshy metr jerde 5 shegirtkeden aspasa, ol qaýipti bolyp sanalmaıdy, ony joıý jumystary júrgizilmeıdi. Meniń málimetterim boıynsha, biren-saran jaǵdaı bolmasa, Almatyda jappaı shegirtkelerdiń kóshýi baıqalǵan joq. Negizinen, ósimdikter úshin paıdaly shyryldaýyq shegirtkeler ǵana bar», - dedi Respýblıkalyq fıtosanıtarlyq dıagnostıka jáne boljamdar metodıkalyq ortalyǵynyń jetekshisi Serikhan Sharyqbaev.
Sondaı-aq, aımaqtyq ınspektsııa da qalalyq jasyl jelekterge shegirtkelerden qaýip joq ekenin rastady.
«Biz qala turǵyndarynyń shaqyrtýymen keıbir oryndardy tekserdik, shyryldaýyq kádimgi shegirtke bolmasa, kókqasqa qaýipti shegirteler óte az kezdesti», -dedi Almaty qalasy boıynsha Veterınarlyq baqylaý men qadaǵalaý komıtetiniń aımaqtyq ınspektsııa mamandary.
Eske sala keteıik, jaz maýsymynyń basynda almatylyqtar qalada obyr shegirtkege uqsas jándikterdiń qaptap ketkeni týraly shaǵymdanǵan bolatyn.
