Almatyda shaıbaly hokkeıden testilik jarys ótip jatyr
ATY. 6 jeltoqsan. QazAqparat /Ádilet Musahaev/- Almatydaǵy Balýan Sholaq atyndaǵy Sport saraıynda shaıbaly hokkeıden testilik jarystar ótýde. 2011 jylǵy 7-nshi qysqy Azııa oıyndary baǵdarlamasy aıasynda ótkizilip otyrǵan saıysqa 2 erler komandasy (joǵary lıga) jáne 3 áıelder komandasy qatysýda.
4 jltoqsan kúni bastalǵan saıysqa Almaty qalasynan «Almaty», Rýdnyıdan «Gornıak» syndy eki erler komandasy óner kórsetip jatsa, áıelder komandasynan «Aıbarsha-Barys» - Astana, «Alataý» - Almaty oblysy, «Juldyz» Almaty qalasy komandalary synǵa túsýde.
Balýan Sholaq atyndaǵy Sport saraıynda tolyq jóndeý jáne ǵımarattyń syrtqy kelbetin jańartý jumystary júrgizilgen bolatyn. Trıbýnadaǵy otyratyn oryndar 5 myńǵa deıin keńeıtilip, kontserttik baǵdarlamalar ótkizýge arnalǵan parter jasalǵan. Sonymen qatar jańa tablo men qurylǵylar ornatylǵan.
Mamandardyń aıtýynsha, muz aıdyny barlyq álemdik standarttarǵa sáıkes jáne 7-nshi qysqy Oıyndardyń saltanatty jabylýyn ótkizýge daıyn bolyp qana qoımaı, áıelder hokkeıinen bizdiń sportshylarǵa joǵary nátıjelerge qol jetkizýge sep bolady.
