Almatyda shaıbaly hokkeıden synaqtyq jarys ótedi
ALMATY. 1 jeltoqsan. QazAqparat /Erlik Erjanuly/ - Almatyda 4-6 jeltoqsanda Balýan Sholaq atyndaǵy sport saraıynda shaıbaly hokkeıden synaqtyq jarys ótedi. Ol 2011 jylǵy VII qysqy Azııa oıyndaryna ázirlik aıasynda uıymdastyrylyp otyr. Bul baıraqty básekege joǵary lıgadan 2 erler komandasy jáne jasóspirimder lıgasynan 3 áıelder komandasy qatyspaq.
Buǵan deıin mundaı synaqtyq jarystar "Medeý" muz aıdyny men Halyqaralyq shańǵymen tuǵyrdan sekirý kesheninde ótken bolatyn. Atap aıtqanda, «Medeý» muz aıdynynda dopty hokkeıden, al Halyqaralyq shańǵymen tuǵyrdan sekirý kesheninde Qurlyqaralyq kýbok jarystary uıymdastyryldy.
Jalpy 2011 jyly 30 qańtar men 6 aqpan aralyǵynda ótetin VII qysqy Azııa oıyndary qarsańynda Balýan Sholaq atyndaǵy sport jáne mádenıet saraıy, «Medeý» muz aıdyny, «Shymbulaq» taý shańǵysy kesheni, sondaı-aq Astanadaǵy «Qazaqstan» sport saraıyna kúrdeli jóndeý jumystary jasaldy. Sondaı-aq Almatyda bıiktigi 90 jáne 120 metrlik shańǵymen tuǵyrdan sekiretin keshen, Almaty oblysynyń aýmaǵynda bıatlon men shańǵy stadıondary salyndy.
