Almatyda shashyn boıatpaq bolǵan áıel basyn kúıdirip aldy
ALMATY. QazAqparat – Sulýlyq salonynda shash boıatamyn dep basyn kúıdirgen áıel sot arqyly moraldyq shyǵyn óndirip aldy, dep habarlaıdy QazAqparat tilshisi.
Іs materıaldaryna sáıkes, kelinshek shashyn sarǵaıtpaq bolyp sulýlyq salonyna kelgen. Alaıda, shashtarazdardyń epsizdiginen basynyń terisi kúıip qalǵan.
«Sot medıtsınalyq saraptama nátıjesinde klıenttiń densaýlyǵyna jeńil zaqym kelgeni anyqtaldy. 5 aıǵa sozylǵan emdeý kýrsyna 600 myń teńge qarajat jumsalǵan. Daýdy sotqa jetkizbeı sheshý múmkin bolmaǵandyqtan, áıel sotqa júgingen», - dedi Almaty qalalyq sotynyń baspasóz qyzmetinen.
Aýdandyq sot sheshimimen áıeldiń shaǵymy jartylaı qanaǵattandyryldy. Sulýlyq salonynan 600 myń teńge medıtsınalyq shyǵynǵa, 50 myń teńge moraldyq ótemaqy retinde óndirildi.
Apellıatsııalyq sot ınstantsııasy jaýapkerdiń qarsy shaǵymyn nazarǵa almaı, sot úkimin ózgerissiz qaldyrdy.
«Tutynýshynyń quqyǵy qorǵaldy. Sulýlyq salonynyń basshylyǵy qyzmetkerleriniń biliktiligin arttyrady dep oılaımyz», - delingen sottyń habarlamasynda.
