Almatyda Sharyn shatqalynda aman qalǵan qyz bala men ata-anasy marapattaldy
ALMATY. QazAqparat - 29 mamyrda Almatyda Sharyn shatqalynda nóser jaýyn saldarynan bolǵan sý tasqyny kezinde aman qalǵan 11 jasar Zere men onyń ata-anasy Tótenshe jaǵdaılar mınıstri ıÝrıı Ilınniń Alǵys hatymen marapattaldy, dep habarlaıdy QazAqparat QR TJM baspasóz qyzmetine silteme jasap.
Málimetke saı, búgin qyz bala aýrýhanadan shyqty.
Alǵys hatty Mınıstrdiń atynan Almaty qalasy TJ departamentiniń bastyǵy tabys etip, Zereniń ata-anasy — Ulan Bısembaıuly men Janııa Shymyrbekqyzyna batyl, erjúrek qyz tárbıelegeni úshin, al kishkentaı Zerege tótenshe jaǵdaılarda tózimdilik, qaısarlyq jáne ómir súrý ádisterin durys qoldanǵany úshin alǵys aıtty
Mınıstrdiń hatynda «Almaty qalasyndaǵy №199 gımnazııasynyń oqýshysy Bısembaı Zere Ulanqyzy tabıǵı apat saldarynan qaýipti jaǵdaıǵa tap bolyp, oryn alǵan jaǵdaılardy baıyppen sabyrly baǵalap, ómir súrýdiń praktıkalyq daǵdylaryn qoldana bildi. Bul jaǵdaı elimizdiń azamattary úshin ómir qaýipsizdigin qamtamasyz etý daǵdylaryn ıgerý jáne batyldyq, baısaldylyq jáne kúızeliske qarsy turý sııaqty tulǵalyq qasıetterdi tárbıeleýde úlgi bolyp tabylady», - dep jazylǵan.
