Almatyda Shara Jıenqulovanyń 100 jyldyǵyna arnalǵan kesh ótedi
ALMATY. 27 qazan. QazAqparat - QR Úkimetiniń qaýlysyna sáıkes jáne qalanyń mádenıet jyly aıasynda Almaty ákimdigi QazSSR halyq ártisi, bıshi ári pedagog Shara Jıenqulovanyń 100 jyldyǵyna arnalǵan kesh ótkizedi. Kesh 29 qarashada Abaı atyndaǵy memlekettik akademııalyq opera jáne balet teatrynda ótedi.
Oǵan eldiń eń úzdik bı ujymdary: Memlekettik «Saltanat» bı ansambli, «Qazyna» bı ansambli (Shymkent), Súıinbaı atyndaǵy Almaty oblystyq fılarmonııasynyń «Altynaı» halyq bı ansambli, QR UQK Shekara qyzmetiniń jáne J. Elebekov atyndaǵy Respýblıkalyq estrada-tsırk kolledjiniń ansamblderi qatysady.
Sh. Jıenqulovanyń mereıtoıy aıasynda onyń shákirtterin - horeografııalyq ýchılışe halyq bı bóliminiń alǵashqy túlekterin marapattaý ótedi.
Shara Jıenqulova (1912-1991) - qazaq keńes bıshisi, QazSSR Memlekettik syılyǵynyń júldegeri. Shara Jıenqulovany halyq arasynda «Bı erkesi, bı padıshasy, bı qudyreti» dep atap ketken.
