Almatyda shańǵymen tuǵyrdan sekirýden Álem Kýbogynyń FIS Grand Prix atty jazǵy kezeńi bastaldy

Óziniń alǵy sózinde Qazaqstannyń Ulttyq Olımpıada komıtetiniń vıtse-prezıdenti Pavel Novıkov osymen besinshi ret ótkizilip otyrǵan bul jarys Elbasy Nursultan Nazarbaevtyń elimizde sportty damytýǵa baǵyttalǵan jemisti saıasatynyń aıqyn kórinisi ekendigin aıtty.

«Bizdi aldymyzda - 2017 jyly, 28-shi Búkilálemdik qysqy stýdenttik Ýnıversıada oıyndary kútip tur. Sondyqtan osy keshende ótkiziletin jarystardyń barlyǵy sol Ýnıversıada oıyndaryna daıyndyq ispettes bolady. Bul jarys otandyq sportshylarǵa tájirıbelerin shyńdaý úshin óte qajet. Onyń ústine, búgingi jarysqa álemniń eń úzdik degen shańǵyshylary qatysyp jatyr. Olardyń ishinde Olımpıada chempıondary, Álem Kýboktarynyń ıegerleri jáne kóptegen iri halyqaralyq jarystardyń jeńimpazdary bar. ıAǵnı, jarys óte qyzyqty ótedi dep senemin. Jeńis naǵyz myqtylarǵa buıyrsyn», - dedi P. Novıkov.

Búgingi jarysqa tamashalaýǵa ásirese jastar kóp jınaldy.

Aıta ketelik, bul jarysta áıelder arasynda qazaqstandyq sportshylar joq. Al erler arasyndaǵy jarystarǵa Qazaqstan atynan aǵaly-inili Marat jáne Radık Japparovtar men Sabyrjan Momynov qatysýda.

Qazir jarys odan ári jalǵasýda. Áıelderge arnalǵan tramplınniń uzyndyǵy - 106 metr, al erlerge arnalǵan uzyndyq - 140 metr.

Sonymen qatar jarys barysynda, úzilister kezinde kórermender arasynda baıqaýlar ótkizilip, jeńimpazdarǵa syılyqtar tabys etiledi. Odan basqa, Qazaqstannyń estrada juldyzdarynyń kontserti bolady.

Almatyda ótip jatqan Álem Kýbogynyń Jazǵy kezeńiniń uıymdastyrýshylary - Halyqaralyq shańǵy sporty federatsııasy, Qazaqstannyń shańǵymen tramplınnen sekirý jáne shańǵy qossaıysy federatsııasy jáne «Almaty qalasynyń halyqaralyq sport jobalary Dırektsııasy» Memlekettik qory.