Almatyda «Shámshisiz ótken 30 jyl» atty eske alý keshi ótti

ALMATY. QazAqparat - Búgin Almatydaǵy Ulttyq kitaphanada «Shámshisiz ótken 30 jyl» atty eske alý keshi ótti, dep habarlaıdy QazAqparat tilshisi.

Keshtiń maqsaty – Sh.Qaldaıaqovtyń mýzykalyq shyǵarmashylyǵyn keńinen nasıhattaý, onyń shyǵarmalary arqyly jastardyń sulýlyqqa degen súıispenshilik sezimderin arttyrý, ónerdi tanýǵa baýlý.

Іs- sharaǵa belgili ártister, mádenıet jáne óner qaıratkerleri, kompozıtordyń týystary, kitaphana qyzmetkerleri, BAQ ókilderi qatysty.

Kesh barysynda jınalǵandar sanaly ǵumyryn saz álemine arnaǵan kompozıtor týraly estelikter aıtyp, Shámshi óneriniń mańyzyna toqtaldy.

Sonymen qatar «Án aǵa», «Aqmańdaılym», «Jaqsygúl», «Baqyttymyn qurbylar», «Ánim sen ediń» sııaqty tanymal ánder shyrqaldy.

Sondaı-aq «Shámshi» derekti fılminen úzindi kórsetilip, «Meniń Qazaqstanym» Ánurany oryndaldy.

Eske alý keshi aıasynda qazaq halqynyń mýzykalyq murasynda óshpes iz qaldyrǵan kórnekti kompozıtorǵa arnalǵan kitap jáne bezendirilgen kórme uıymdastyryldy, onyń ómiri men shyǵarmashylyǵynyń tarıhyn qamtıtyn shyǵarmalary men ádebıeti usynyldy.

Shámshi Qaldaıaqov 1930 jyly, 15 tamyz kúni Otyrar aýdanynyń Sháýildir aýylynda týǵan.

Kompozıtor. Shymkent, Taraz, Jetisaı qalalarynyń qurmetti azamaty.

Tanymal ánder jazýdaǵy tabysy úshin 1965 jyly Qazaqstan Lenın Komsomoly syılyǵynyń laýreaty atandy. Al 1991 jyly oǵan Qazaqstan Respýblıkasynyń Halyq ártisi qurmetti ataǵy berildi.

Qazaq mýzykasynyń altyn qorynda Shámshiniń 100-ge jýyq áni bar.