Almatyda Shalıapın kóshesiniń boıynda ortasha jóndeý jumystary bastalady
ALMATY. QazAqparat - Almatyda Shalıapın kóshesiniń 4 shaqyrymy ortasha jóndeýden ótedi, dep habarlaıdy QazAqparat tilshisi.
Almatyda jol jabyny jaǵdaıyn zertteý qorytyndysyna sáıkes, bıylǵy josparǵa Shalıapın kóshesiniń Beregovoı kóshesinen Áshimov kóshesine deıingi uzyndyǵy 4 shaqyrym bóligin qosý týraly sheshim qabyldanǵan.
«Jóndeý jumystaryn 31 tamyzǵa deıin aıaqtaý josparlanǵan. 18 tamyz saǵat 23:00-den 20 tamyz saǵat 06:00-ge deıin polımerli asfaltbeton jabynyn tóseý jumystarynyń júrgizilýine baılanysty Shalıapın kóshesiniń Áshimov kóshesinen ıAssaýı kóshesine deıingi bóliginde kólik qozǵalysy tolyǵymen ýaqytsha shekteledi», - delinedi Almaty ákimdiginiń habarlamasynda.
Jol jóndeý jumystary týraly jańalyqtar qala ákimdigi men qalalyq mobıldilik basqarmasynyń resmı paraqshalary, Almaty_Joly telegram arnasynda (https://t.me/AlmatyJoly), sondaı-aq, 2 GIS jáne ıAndeks karta qosymshalarynda jazylǵan.Ákimdikte, sondaı-aq, qala turǵyndaryn kólikpen júretin baǵytty aldyn ala josparlap alýdy surady.
