Almatyda Shákımardan Abdyqalyqovtyń "Turan oıpatynyń órkenıeti" atty foto kórmesi ashyldy.
ALMATY. 13 qańtar. QazAqparat /Názıra Eleýhan/ - Búgin Almatydaǵy Ortalyq murajaıda Qazaqstan Dızaınerler odaǵynyń múshesi,
áýesqoı fotograf Shákımardan Abdyqalyqovtyń "Turan oıpatynyń órkenıeti" atty foto kórmesi ashyldy.
Kórmege sýretshiniń Turan oıpatynyń qalalary, tarıhy men shejiresinen syr shertetin 86 jumysy qoıylǵan.
Syr óńirinde dúnıege kelgen Shákımardan Abdyqalyqov: "Syr men jyrdyń mekeni - Syr óńirindegi Turan oıpatynyń shejiresi meni bala kezimnen baýrap aldy. Sondyqtan, fotosýret ónerinde júrgen 40 jyldyń 15 jylynan astam ýaqytyn arheologııa taqyrybyna arnap kelemin. Abyzdy ólkeniń tarıh kómbesiniń astyna jasyrynǵan qazynaly qupııalarynyń óshpes belgilerin kýálaryn foto tilimen nasıhattaý, keń kólemde zerttelýine qozǵaý salýy meniń armanym boldy. Sol sebepti, 2004 jyldan beri Á.H.Marǵulan atyndaǵy Arheologııa ınstıtýtynyń, sonymen qatar Shirikrabat ekspedıtsııasynyń jumystaryna aralasyp kelemin", - dedi.
Tarıh tańbasyn qalt jibermeıtin zerdeli sýretshiniń alǵashqy kórmesi 1999 jyly qazan aıynda ıÝNESKO baǵdarlamasy aıasynda Parıjde ótken bolatyn. Ol kórmede ejelgi qalalardy, asarlardy beıneleıtin sýretter qoıylǵan edi. Búginde onyń sýretteri birneshe tarıhı kitaptar men mádenı eskertkishteriniń jınaǵyna engen.
Foto kórme 24 qańtarǵa deıin jalǵasady.
