Almatyda Sháken Aımanov fılmderiniń festıvali ashylady
Atalǵan shara ıÝNESKO-nyń estelik datalary men oqıǵalarynyń resmı kúntizbesine engizilgen Sháken Aımanovtyń júz jyldyǵy tóńireginde ótkizilmek. Merekelik shara sondaı-aq Almaty kúnin atap ótý baǵdarlamasyna engizilgen, dep habarlaıdy festıvaldiń baspasóz qyzmetinen.
Búgin qazaqstandyq kıno kúninde festıvaldiń saltanatty ashylýy ótedi, oǵan Almaty qalasynyń ákimdigi, Áýezov aýdanynyń ákimi B.N.Torǵaev, «Qazaqfılm» AQ prezıdenti E.Amanshaev jáne qazaqstandyq kıno ardagerleri qatysady. Baǵdarlamada N.Tilendıev atyndaǵy «Otyrar sazy» atty qazaq ulttyq saz aspaptarynyń orkestri men Sh.Aımanov kınofılmderindegi ánderdi oryndaıtyn qazaqstandyq estrada juldyzdary óner kórsetedi dep kútilýde.
Festıval baǵdarlamasy 1968 jyly Sháken Aımanov túsirgen, halyqtyń súıikti fılmine aınalǵan «Taqııaly perishte» atty ıronııalyq áýendi komedııasymen ashylady. Syıly qonaq - basty róldi somdaýshy Álimǵazy Raıymbekov.
Shara aıasynda jurt nazaryna «Aldar kóse», «Bizdiń súıikti dáriger», «Taqııaly perishte», «Atamannyń aqyry», «Atameken» fılmderi usynylady. Festıval Almaty qalasynyń Mádenıet basqarmasy men «Qazaqfılm» AQ qoldaýymen ótedi.
Fılmder 13-17 qyrkúıek aralyǵynda kún saıyn kúndiz saǵat 10.30-da jáne keshki saǵat 18.00-de Kinoplexx Saryarka kınoteatrynda tegin kórsetiletin bolady. Mektep oqýshylary men JOO stýdentterine, soǵys ardagerleri men zeınetkerlerge jappaı kórsetilim qoıý josparlanýda.
