Almatyda shahmattan halyqaralyq týrnır ótedi
ALMATY. 6 qarasha. QazAqparat /Erbol Turymbetov/ - Almatyda 8-10 qarasha aralyǵynda shahmattan dástúrli halyqaralyq «Almaty qalasy shahmatshylar odaǵy prezıdentiniń kýbogi» týrnıri ótedi.
Shahmatshylar saıysy «Almaty qalasy shahmatshylar odaǵynyń» uıymdastyrýymen «Debıýt» shahmat klýbynda bolady. Oǵan elimizdiń jetekshi shahmatshylary men shahmattan Respýblıkanyń erler jáne áıelder quramalary qatysady. Sondaı-aq, Reseı, Qyrǵyzstan, Ózbekstan jáne Túrkııa shahmatshylary keledi dep kútilýde.
Sonymen qatar, bul aıtýly dodaǵa aldyn ala irikteýden ótken 10 mektep oqýshysy da qatysatyn bolady. Olardyń qatarynda 8-14 jasqa deıingi qyzdar arasyndaǵy álem chempıondary Ábdimálik Jansaıa men Dınara Sádýaqasovalar bar. Týrnırdiń qurmetti qatysýshysy UOS ardageri, Aleksandr Nevskıı ordeniniń ıegeri A. Skalkovskıı bolyp otyr.
