Almatyda shahmattan Eýrazııa kýbogy bastalady (FOTO)
ALMATY. QazAqparat - Búgin Almatyda blıts shahmattan Qazaqstan Respýblıkasy Prezıdentiniń Eýrazııa Kýbogy halyqaralyq týrnıri ótip jatyr. Jarys qala ákimi Baýyrjan Baıbektiń alǵysózimen bastaldy.
Budan keıin Halyqaralyq shahmat federatsııasynyń (FIDE) prezıdenti Kırsan Ilıýmjınov sóz sóıledi.
Oǵan Eýrazııa qurlyǵynyń 30-dan astam elinen júzden artyq shahmatshylar qatysýda. Negizgi syny maýsymnyń 18-19 kúnderi ótetin Kýbokqa shahmattyń álem juldyzdary da qatysyda. Qazaqstanǵa alǵash ret álemniń áıelder arasyndaǵy búgingi kúnniń chempıony Hoý Ifan (Qytaı) keledi. Kýboktyń qurmetti qonaqtarynyń arasynda álemniń birneshe márte chempıony Alekseı Karpov ta bar.
Týrnır qatysýshylarynyń qatarynda ıAn Nepomnıaşıı (Eýropa chempıony), Aleksandr Grışýk (álemniń blıts shahmattan úsh dúrkin chempıony) jáne Petr Svıdler (álem Kýbogynyń ıegeri, barlyǵy da reseılik), Van Hao (Qytaı chempıony), Borıs Gelfand (álem Kýbogynyń ıegeri, Izraıl), Le Kýang Lem (blıtsten álem chempony, Vetnam) jáne Shahrııar Mamedıarov (Eýropanyń eki márte chempıony, shapshań shahmattan álem chempıona, Ázerbaıdjan) sekildi ataýly esimder bar.
Kýbokty uıymdastyrýshylary -Qazaqstan shahmat federatsııasy jáne Akademık Shahmardan Esenov atyndaǵy ǵylymı-bilim berý qory. Kýbok Halyqaralyq shahmat federatsııasy (FIDE), Qazaqstannyń sport jáne mádenıet mınıstirligi men Almaty qalasy ákimdiginiń qoldaýymen ótedi.
