Almatyda shahmattan 2022 jylǵy Álem chempıonaty ótedi

ALMATY. QazAqparat – Almatyda shahmattyń jyldam jáne blız túrlerinen 2022 jylǵy Álem chempıonaty ótedi, dep habarlaıdy QazAqparat Halyqaralyq shahmat federatsııasynyń (FIDE) saıtyna silteme jasap habarlaıdy.

«FIDE rapıd jáne blıtsten 2022 jylǵy álem chempıonattarynyń ótetin kúni men ornyn rastaýǵa qýanyshty.

Bedeldi shara Іle Alataýy bókterinde ornalasqan Qazaqstannyń iri megapolısi – Almatyda ótedi», - delingen FIDE málimetinde.

Chempıonat 25 jeltoqsannan (sportshylardyń kelýi jáne týrnırdiń ashylý saltanaty) 30 jeltoqsanǵa deıin (sońǵy oıyn kúni jáne jabylý saltanaty) ótedi.
«Kóptegen elder (100-den astam) Qazaqstanǵa vızasyz rejımdi, sondaı-aq Vızalyq-mıgratsııa portaly arqyly beriletin birrettik elektrondy vızany alýdyń jeńildetilgen tártibin paıdalana alady», - delingen federatsııa aqparatynda.